Ar gyfer pwy?
Mae hwn yn wersyll haf sy'n addas ar gyfer oedrannau 8-11, neu blynyddoedd ysgol 4-6.
Pryd mae'r gwersyll haf yn dechrau?
18-21 Gorffennaf / Awst 1-4ydd 2021
Pa mor hir mae'n para?
3 noson
A oes bws yn cael ei drefnu?
Yn anffodus oherwydd cymhlethdodau Covid nid oes bws yn cael ei drefnu eleni. Cyfrifoldeb rhieni yw cludo y plant i'r gwersyll
Pris
£180 ar gyfer aelodau'r Urdd. Os nad ydych yn aelod eto, gallwch ymaelodi arlein yma.
Gwyliwch am flas o wersyll haf yng Nglan-llyn.
Enghraifft o ddiwrnod
| Amserlen | Gweithgaredd |
|---|---|
| Brecwast | Dechrau'r dydd gyda llond bol o fwyd! I frecwast mae grawnfwydydd, tôst, ffrwyth, brecwast llawn - eich dewis chi |
| Bore | Bore yn gwlychu ar y llyn yn canŵio a rhwyfyrddio |
| Cinio | Cyfle i adennill egni ar gyfer gweithgareddau'r prynhawn! |
| Prynhawn | Prynhawn ar y wal ddringo, ac i'r rhai mentrus, cyfle i fentro i'r entrychion ar y cwrs rhaffau uchel rhwng y coed! |
| Te | Amser i ymlacio, sgwrsio a bwyta |
| Ar ôl te | Gêm o rownderi ar y cae |
| Swper | Digonedd o fwyd i'r anturiaethwyr bach llwglyd ar ôl diwrnod prysur |
| Ar ôl swper | Rhostio malws melys ar y tân yn y tipi cyn dangos eich doniau dawnsio yn y disgo! |
*Enghraifft yw'r amserlen hon. Caiff y rhaglen derfynol ei chynllunio yn nes at yr amser.
Llety
Ystafell wely “en-suite” sydd yn cysgu hyd at ddau, pedwar neu chwech.
Cyfleusterau
Mae cyfleusterau te a choffi ar gael drwy gydol y dydd, gyda lolfa bwrpasol ar gyfer bob bloc llety er mwyn ymlacio gyda’r nos. Mae cysylltiad i’r wi-fi ar gael ar draws y safle.
Bwyd
Bydd brecwast, cinio, te a swper ar gael gan gynnig dewisiadau iachus a phrydau bwyd maethlon. Defnyddir cyflenwyr a chynnyrch lleol lle mae hynny’n bosib. Gallwn ddarparu ar gyfer anghenion dietegol, alergeddau, cefndir diwylliannol a chredoau crefyddol.
Galeri
