Addas ar gyfer blynyddoedd
7, 8 a 9
Dyddiad dechrau
19 Awst 2019
Hyd y gwersyll haf
4 noson
Pris
£225 i aelodau'r Urdd | £232 fel arall
Dyma gwrs newydd sbon yn y brifddinas yn cynnig profiadau gwerthfawr i bobl ifanc â diddordeb yn y byd creadigol o greu, cyfansoddi a pherfformio. Y nod yw cynnal wythnos o weithdai dan arweiniad medrus y talentog Branwen Haf, Osian Huw (neu Osian Candelas) a Lleucu Sion i greu a pharatoi ar gyfer perfformiad gorffenedig yng Nghanolfan y Mileniwm ar ddiwrnod olaf y cwrs.
Gwyliwch am flas o wersylloedd haf yr Urdd
Enghraifft o amserlen
| Amserlen | Gweithgaredd |
|---|---|
| Diwrnod 1 | Diwrnod cyrraedd, ymlacio, swper allan yn y bae a noson yn y sinema |
| Diwrnod 2 | Bore o wibio o gwmpas y bae ar daith ar y cwch cyflym cyn prynhawn o weithdy creadigol dan arweiniad Branwen Haf. Gorffen y dydd gyda noson ymlaciol o fowlio 10! |
| Diwrnod 3 | Dan arweiniad Osian Rhys (neu Osian Candelas) heddiw cyn noson unigryw gyda Mei Gwynedd yn ei weithdy ukulele |
| Diwrnod 4 | Gweithdy creadigol gyda Lleucu Sion heddiw cyn gwylio sioe enwog Annie yng Nganolfan y Mileniwm! |
| Diwrnod 5 | Perfformiad gorffenedig yng Nganolfan y Mileniwm yn dilyn popeth a ddysgwyd dros yr wythnos! |
*Enghraifft yw'r amserlen hon. Caiff y rhaglen derfynol ei chynllunio yn nes at yr amser.
Llety
Mae amrywiaeth o ystafelloedd gwely ar gael. Mae gennym 3 ystafell sy’n cysgu dau, 1 yn cysgu tri, 3 ystafell i grwpiau o bedwar a 22 ystafell ar gyfer grwpiau o chwech. Mae ystafell ymolchi ymhob ystafell, a dyma unig ganolfan yr Urdd sydd â system clo ar gerdyn electronig ar gyfer pob ystafell!
Cyfleusterau
Mae digon o le i ymlacio yn y lolfa sydd â bwrdd pwl a pheiriannau bwyd a diod.
Bwyd
Rydym yn gweini brecwast, cinio a swper yn ein neuadd fwyta. Gallwn ddarparu bwyd ar gyfer anghenion arbennig, alergeddau, cefndir diwylliannol a chredoau crefyddol.
