Datblygiadau Pentre Ifan

Ein bwriad yw sefydlu Pentre Ifan fel Gwersyll Amgylcheddol yr Urdd.

Bydd Pentre Ifan yn ddihangfa ddigidol ac yn annog pobl ifanc i gysylltu a’u tirlun amgylcheddol a diwylliannol a phrofi ffordd o fyw mwy cynaliadwy. Bydd yn llecyn diogel i bobl ifanc rannu profiadau, datblygu ymddiriedaeth a pherthnasoedd, datblygu gwytnwch, lles ac i ymarfer meddylgarwch.

O’r ’Pridd i’r Plât’ - bydd pobl ifanc yn tyfu ac yn cynhaeafu eu bwyd o’r ardd-gegin, yn cael mêl o gychod gwenyn y safle, yn coginio ac yn bwyta gyda’i gilydd yn y gegin allanol ‘ynni gwyrdd’.

Y bwriad yw annog cenhedlaeth newydd o blant a phobl ifanc i ddod i adnabod eu treftadaeth amgylcheddol a diwylliannol, a’u hysbrydoli i’w cynnal a’u gwarchod.

Mae’r cynllun, fydd yn costio bron i £1miliwn yn cynnwys adnewyddu’r neuadd bresennol a thrawsnewid y pedwar adeilad arall sydd ar y safle yn lety o safon.

Dilynwch Pentre Ifan ar ein tudalennau cyfryngau cymdeithasol i ddilyn datblygiadau'r safle. Am unrhyw ymholiadau, cysylltwch â ni trwy e-bostio pentreifan@urdd.org.