Swyddi a Gyrfaoedd

Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau, er mwyn sicrhau cyfle i holl ieuenctid Cymru ddatblygu’n unigolion cyflawn, a’u galluogi i chwarae rhan adeiladol yn y gymdeithas, gan feithrin sgiliau personol a chymdeithasol.

Rydym yn croesawu ac yn annog ceisiadau swyddi gan bawb o bob cefndir a chymuned, gan gynnwys grwpiau sydd wedi’u tangynrychioli ar hyn o bryd yn ein gweithlu fel pobl o bobl Dduon, Asiaidd a Lleiafrifoedd Ethnig, pobl LHDTI+ a phobl anabl.

I ddysgu mwy am Bolisi Cydraddoldeb ac Amrywiaeth yr Urdd cliciwch y botwm isod.

I Gefnogi:

• Ein haelodau
• Y defnydd o’r Gymraeg
• Lles plant a phobl ifanc
• Ein Gwirfoddolwyr
• Ein staff

I Barchu:

• Yr iaith
• Pob amrywiaeth a gallu
• Ein gilydd
• Ein diwylliant a diwylliannau eraill
• Ein gwahaniaethau 

I Ymbweru:

• Dros Gymru a’n pobl
• I wneud gwahaniaeth
• Bod yn ddyngarol wrth eraill

Mae gweithio i’r Urdd yn brofiad unigryw. Yn weithle ble mae 98% o staff yn dod ymlaen gyda’u cydweithwyr, 97% yn teimlo balchder o weithio i’r mudiad ac 97% yn mwyhau eu swyddi; mae’r teimlad o berthyn a diwylliant gwaith cadarnhaol yn amlwg yma.

Dyma restru rhai o fuddion eraill gweithio i ni: 

• Cynllun gweithio oriau hyblyg
• 25 Diwrnod o wyliau (pro rata) (gan godi i 28 diwrnod ar ôl 5 mlynedd o wasanaeth a 33 diwrnod wedi 10 mlynedd) a Gwyl Banc yn ychwanegol pan mae’n disgyn
• Diwrnod Gwyliau ychwanegol i dy Ben-Blwydd
• Diwrnod gwyliau ychwanegol i dy Iechyd a Lles
• Diwrnod gwyliau ychwanegol Anrhydeddus Dydd Gwyl Dewi
• Cynllun Aberthu Cyflog seiclo i’r gwaith hyd at £3,000
• Cynllun Cefnogi Iechyd a Lles Staff lle ceir mynediad i wasanaeth cwnsela, meddygol ac chyngor cyfreithiol a chyllidol yn rhad ac am ddim 24/7
• Byddwn yn talu am eich aelodaeth proffesiynol ynghlwm â gofynion eich swydd
• Yswiriant Bywyd gwerth 3 gwaith eich cyflog
• Disgownt hael i staff ar nwyddau siop yr Urdd, gwyliau yn y gwersylloedd a thocynnau i’r Eisteddfod a’r Cwmni Theatr
• Cinio am ddim yn y Gwersylloedd
• Cynllun pensiwn 6%
• Disgownt oddi ar siopau a nwyddau brandiau mawr cynllun Extras
• Disgownt oddi ar aelodaeth gym a nwyddau iechyd, lles a ffitrwydd drwy GymDiscounts / My Active Discounts
• 15% o ddisgownt oddi ar danysgrifiad KwikFit club i gynnal a chadw eich cerbyd

Y Swydd

Nod y swydd fydd i gynyddu cyfranogiad plant a phobl ifanc mewn gweithgareddau chwaraeon, clybiau a chystadlaethau drwy gyfrwng y Gymraeg ac yn ddwyieithog, trwy ddatblygu darpariaeth chwaraeon a chydlynu digwyddiadau o safon uchel. Mae’r rôl hefyd yn cynnwys recriwtio, mentora a datblygu gwirfoddolwyr, a sicrhau profiad diogel a chadarnhaol i bawb sy’n cymryd rhan.

Am fwy o fanylion cysylltwch â Aled Jones (Rheolwr Chwaraeon Talaith y Gogledd a Gorllewin Cymru)

Anfonwch Ffurflen Gais yr Urdd wedi ei gwblhau i ni dros e-bost.

Y Swydd

Mae’r Cynorthwyydd Gofal Cwsmer yn chwarae rôl ganolog yn sicrhau rhediad effeithiol, trefnus a llwyddiannus y Gwersyll. Bydd y swydd yn canolbwyntio ar ddarparu gwasanaeth gweinyddol o’r radd flaenaf a phrofiad cwsmer rhagorol i ymwelwyr, partneriaid ac aelodau staff.

Bydd y swydd yn gweithredu fel pwynt cyswllt cyntaf i ymholiadau ac yn gyfrifol am gefnogi systemau gweinyddol, ariannol ac weithredol y Gwersyll o ddydd i ddydd.

Am fwy o fanylion cysylltwch â Lowri Jones.

Anfonwch Ffurflen Gais yr Urdd wedi ei gwblhau i ni dros e-bost.

Y Swydd

Darparu ac ymestyn, dan gyfarwyddyd y Bartneriaeth Ieuenctid (Urdd, Menter Caerdydd a Gwasanaeth Ieuenctid Caerdydd), gynnig gwaith ieuenctid cyfrwng Cymraeg i bobl ifanc yr ardal. 

Bydd y cynnig gwaith ieuenctid yn:

• Gyfoes ac yn adlewyrchu gofynion pobl ifanc trwy wrando ar eu llais. 
• Cyfrannu at ddatblygiad personol a chymdeithasol pobl ifanc Cymru o bob cefndir cymdeithasol. 
• Ysbrydoli pobl ifanc i ymwneud a’r Gymraeg, gan ddatblygu hyder pob person ifanc i ddefnyddio’r Gymraeg. 
• Bydd cynnig gwaith ieuenctid yr Urdd yn cyd-asio gyda Strategaeth Gwaith Ieuenctid Llywodraeth Cymru a Gwaith Ieuenctid yng Nghymru: Egwyddorion a Dibenion. 

Am fwy o fanylion cysylltwch â Elen Evans (Rheolwr Cymunedol y De)

Anfonwch Ffurflen Gais yr Urdd wedi ei gwblhau i ni dros e-bost