Cogydd ac awdur yw Rebecca Frances Lyne-Pirkis (ganwyd 28 Medi 1981). Mae hi'n fwyaf adnabyddus am ei chyfresi teledu ar S4C, sef Parti Bwyd Beca a Becws, ond daeth i sylw'r byd ar ôl iddi ymddangos ar The Great British Bake Off. Ers dod i amlygrwydd fel cystadleuydd ar y gyfres honno yn 2013, mae Lyne-Pirkis wedi dod yn enw ac wyneb cyfarwydd fel cogydd, awdur bwyd a chyflwynydd teledu. Yn 2017 cyhoeddodd ei llyfr ryseitiau poblogaidd 'Bwyd Beca / My Food' sydd yn llawn dop o ryseitiau sy'n ffefrynnau teuluol a fydd yn siwr o ysbrydoli cogyddion ar draws Cymru.