Ydych chi’n sefydliad sy'n awyddus i ddatblygu sgiliau eich staff, neu'n chwilio am unigolion i ymuno â'ch gweithlu fel prentis?
Mae'r Urdd yn cynnig hyfforddiant am ddim drwy'r gyfrwng Cymraeg (neu’n ddwyieithog) i sefydliadau ledled Cymru trwy ein Cynllun Prentisiaeth. Mae’r cynllun wedi’i ariannu gan Lywodraeth Cymru, felly nid oes unrhyw gost i chi, nac i’r dysgwr.
Gall eich staff ymgymryd â phrentisiaeth wrth barhau gyda’u dyletswyddau presennol ac mi fyddwch chi fel cyflogwr yn elwa o’u sgiliau ychwanegol. Gallwn hefyd eich helpu i benodi prentis llawn amser yn eich sefydliad.
Mae prentisiaeth yn para rhwng 15 - 21 mis, yn ddibynnol ar y cwrs dewisol, ac ar ddiwedd y cyfnod yma fe fydd gan y prentis gymwysterau Lefel 2 neu 3 sy'n cael eu cydnabod o fewn y byd gwaith ledled y DU.
Mae'r cynllun ar gael i'r sefydliadau canlynol:
- Ysgol Gynradd, Uwchradd, Arbennig
- Canolfan Hamdden
- Cyrff Gwobrwyo Cenedlaethol
- Clwb Chwaraeon
- Canolfan Awyr Agored
- Meithrinfa
- Clwb Ieuenctid
Porwch drwy'r dogfennau isod i weld pa brentisiaethau a chymwysterau sydd ar gael.
Polisiau