Barod i ateb galwad y gwyllt?

Ymunwch â ni am antur fythgofiadwy yng Ngorllewin Cymru ar ein Gwersyll Gwyllt sydd wedi'i gynllunio i'ch ailgysylltu â natur a'ch grymuso i ffynnu yn yr awyr agored.

Atebwch alwad y gwyllt a dysgwch sut i amddiffyn ein hamgylchedd i genedlaethau’r dyfodol. Datblygwch sgiliau newydd a gweithiwch gyda’ch gilydd i oroesi sialensiau gwyllt y gwersyll.

Beth i ddisgwyl

• Ewch amdani yn yr awyr agored: Teithiau cerdded dan arweiniad trwy goetiroedd hynafol ac ar hyd bryniau mawreddog y Preselau, sesiwn SUP ar Lyn Llysyfran ,a sêrydda o dan flanced o sêr gyda’r nos.
• Goroeswch y gwyllt!: Dysgwch sgiliau gwylltgrefft megis dechrau tân, creu lloches a fforio am bwyd a gwynebu sialensau llwythol.
• Datblygwch sgiliau hunangynhaliol: Gweithdai tyfu bwyd a choginio a chrefftau gwledig.

Wedi gadael mi fydd gennych...

• Mwy o hunanddibyniaeth a hyder: Meistrolwch sgiliau newydd a darganfod eich dyfeisgarwch mewnol.
• Cysylltiad dyfnach â natur: Datblygu gwerthfawrogiad dwfn o harddwch a grym yr anialwch.
• Atgofion bythgofiadwy: Rhannu straeon, chwerthin, heriau a thân gwersyll o dan awyr helaeth Cymru.

Ar gyfer pwy?

Addas ar gyfer oedrannau 8-12, neu blynyddoedd ysgol 4-6.

Dyddiad

20 - 22 Gorffennaf 2026 

Pa mor hir mae'n para?

3 diwrnod, 2 noson

Pris

£179 ar gyfer aelodau'r Urdd. Os nad ydych yn aelod eto, gallwch ymaelodi ar-lein yma.

Cynllun talu rhandaliadau ar gael.

Gellir trefnu cludiant bws am bris ychwanegol - mi fydd manylion yn dilyn ar ôl archebu.

Llety

Ystafell wely “en-suite” sydd yn cysgu hyd at chwech neu wyth.

Cyfleusterau

Mae cyfleusterau te a choffi ar gael drwy gydol y dydd, gyda lolfa bwrpasol er mwyn ymlacio gyda’r nos. Mae cysylltiad i’r wi-fi ar gael ar draws y safle. 

Bwyd

Bydd brecwast, cinio, te a swper ar gael gan gynnig dewisiadau iachus a phrydau bwyd maethlon. Defnyddir cyflenwyr a chynnyrch lleol lle mae hynny’n bosib. Gallwn ddarparu ar gyfer anghenion dietegol, alergeddau, cefndir diwylliannol a chredoau crefyddol.

 

Amserlen Galwad y Gwyllt

Dydd 1

12:30 Cyrraedd, Croeso a Chinio

13:30  Sesiwn Goroesi'r Gwyllt Cynefin Coedwig

15:00  Sesiwn Gwylltgrefft

16:00 Egwyl a The

17:00 Sesiwn Pridd i'r Plât- gwneud pitsa eich hun!

18:00 Swper

19:00  Gemau Traeth gyda Malws melys o amgylch y tân

21:00 Gwely

22:30 Sesiwn Serydda i rai sydd eisiau aros i fyny

Dydd 2

8:00- Brecwast

9:30- Sesiwn Padlfyrddio ar Lyn Llys-y-frân

12:00  Cinio Pecyn

13:00 Taith Gerdded ar Fryniau’r Preseli- Goroesi’r Ucheldiroedd

15:00  Dychwelyd i'r Gwersyll, cawodydd ac egwyl

16:00 Crefft Gwledig

17:00  Cymorth Cyntaf Awyr Agored

18:00 Swper

19:00- Heriau Llwythol

21:00- Gwely

22.00- Taith Creaduriaid y Nos i rai sydd eisiau aros i fyny

Dydd 3

8:00 Brecwast/ Pacio

9:30 Her Galwad y Gwyllt

11:00 Ffarwelio ac ymadael