Hafan > Eisteddfod a'r Celfyddydau  > Cwmni Theatr yr Urdd  > Cefn Llwyfan

O’n cynhyrchiad o ‘Deffro’r Gwanwyn’ i sesiynau sgiliau, ac o ail-ddatblygu prif- seremonïau Eisteddfod yr Urdd i Stafelloedd Sgwennu, mae blwyddyn gyntaf Cwmni Theatr yr Urdd yn ol ers ail-lansio wedi bod yn un i’w chofio!

 

Mae aelodau ifanc Cwmni Theatr yr Urdd wedi bod yn ganolbwynt i’r holl brosiectau yma gan adlewyrchu'r amrywiaeth yn yr hyn rydym yn ei gynnig. Mae’r byd theatr yn un lliwgar gyda chymaint o gyfleoedd a llwybrau posib, ein nod ni yw cyfleu hynny i’n bobl ifanc.

 

Yn y 12 mis diwethaf, ‘da ni wedi gweithio gyda 300+ o bobl ifanc trwy gynnig profiadau gwerthfawr mewn nid yn unig actio, ond hefyd agweddau hollbwysig Cefn Llwyfan – cyfarwyddo , cynllunio Set a Gwisg, rheoli Llwyfan, sain & goleuadau, sgriptio a gymaint mwy.

 

Wyt ti’n berson ifanc sydd gan ddiddordeb mewn theatr? Wyt ti’n chwilfrydig neu efallai’n pendroni pa lwybr i gymryd? Ansicr o ba gyfleoedd sydd ar gael i ti a dy yrfa? Mae’r fideos yma i ti.

 

Mae Gwaith Cefn Llwyfan yn yrfa i’r chwe unigolyn yma, dyma nhw’n trafod eu profiadau a'u cyngor nhw i bobl ifanc heddiw.

Angharad Lee: Cyfarwyddwr Llawrydd

Mae Angharad yn gyfarwyddwr llawrydd profiadol sydd wedi gweithio ar lu o gynyrchiadau theatr amrywiol. Ty’d i adnabod rôl Angharad fel cyfarwyddwr yn y theatr, sut mae hi wedi cyrraedd ble mae hi, a'i chyngor hi i bobl ifanc heddiw wrth fentro Cefn Llwyfan!

 

Cara Hood: Cynllunydd 

“Nes i edrych e lan ar y we, a darganfod bydysawd o shwt gymaint o bethau roeddwn i’n gallu gwneud yn y byd theatr...” Hyfforddodd Cara ym maes Cefn Llwyfan a sylweddoli ar lu o bosibiliadau. Erbyn hyn mae hi’n gweithio fel Cynllunydd Golau.

Beth mae bywyd cynllunydd golau yn edrych fel o ddydd i ddydd?

 

Alun Saunders: Sgwennwr

“Beth sy’n bwysig ydi taflu syniadau o gwmpas, a peidio poeni o gwbwl am fod yn berffaith!”

O ‘sgwennu dy ddrama gyntaf i archwilio cymeriadau, dyma ‘top tips’ Alun ar gyfer unrhyw un sy’n ystyried gyrfa yn ‘sgwennu!

Luned Gwawr Evans: Cynllunydd Set a Gwisg

“Fel cynllunydd set a gwisg, mae’n rhaid i ni gyfathrebu syniadau mewn ffordd gweledol.”

O ffitio’r un set i bob math o leoliadau i fynegi cymeriad trwy wisg – mae swydd Luned yn un amrywiol a phwysig iawn!

Nia James: Rheolwr Llwyfan llaw-rydd

Dechreuodd Nia ar y llwyfan, cyn penderfynu mai Cefn Llwyfan oedd y lle iddi hi! Dyma hi’n trafod cyffro rheoli sioeau, amrywiaeth ei swydd a’i chyngor hi i unrhyw un sydd â diddordeb dilyn gyrfa tebyg.

Dan Lawrence: Cynllunydd Sain a Chyfansoddwr

Sut aeth Dan i ddilyn gyrfa yn y maes, beth yw ei rôl mewn tîm creadigol ac ei gyngor i bobl ifanc sydd a diddordeb mewn cynllunio sain a chyfansoddi ar gyfer y theatr.