HafanEisteddfod a'r Celfyddydau Cwmni Theatr yr Urdd

Cynhyrchiadau 2024 Cwmni Theatr yr Urdd

Galw am Berfformwyr a Cherddorion!

Rhwng 16 a 25? Eisiau bod yn rhan o gynhyrchiad newydd cyffrous Cwmni Theatr yr Urdd?

Rydym yn awyddus i greu ensemble i ddod a’r sioe wefreiddiol ac unigryw hon yn fyw!

Eleni mi fydd y cynhyrchiad yn un lliwgar, arbrofol a chwareus wedi ei greu a’i ddyfeisio ar y cyd yn dilyn ein Stafelloedd Sgwennu diweddar. Yn cynnwys cerddoriaeth fyw, gwisgoedd a phrops trawiadol, bydd y sioe yn un llawn hwyl ac egni sy'n teithio i gymunedau a neuaddau pentref led led Cymru, ac yn addas i gynulleidfa o bob oed!

Dyddiadau ymarfer: Rhaid bod ar gael ar gyfer dyddiadau Mawrth/Ebrill a Mehefin.

Gallwn fod yn hyblyg o ran dyddiadau’r Eisteddfod ym mis Mai.

Mawrth 23-29ain

Ebrill 26-28ain

Mai 30/31/1af (Rhagflas yng Ngwyl Triban Eisteddfod yr Urdd)

Mehefin 23-29ain

Perfformiadau: Does dim rhaid perfformio ym mhob sioe ond hoffen pe byddai pawb yn perfformio ym mis Mehefin ac o leiaf 2 berfformiad arall.

Mehefin 28 a 29 (Pawb)

Gorffennaf 4/5/6

Gorffennaf 18/19/20

Gorffennaf 25/26/27

Awst – Byddwn yn perfformio yn rhan o weithgaredd yr Eisteddfod Genedlaethol (yn y prynhawn)

I gofrestru, cliciwch yma!

Does dim cost i fod yn rhan o’r cwmni theatr. Byddwn yn darparu bwyd a llety.

Barod am fwy o ddrama?

Blwyddyn cyntaf Cwmni Theatr yr Urdd ar ei newydd wedd

Ers ail-lansio Cwmni Theatr yr Urdd ym mis Medi 2022, rydym wedi cynnig amrywiaeth o brofiadau gwerthfawr i bobl ifanc hyd a lled Cymru. Yn ddiweddar, bu’r Cwmni berfformio eu cynhyrchiad cyntaf ar ei newydd wedd, sef Deffro’r Gwanwyn. Roedd y cynhyrchiad yn cynnwys cast o 27 o bobl ifanc rhwng 16-25 oed ac yn gymysg o berfformwyr proffesiynol ynghyd â rhai oedd yn mentro ar y llwyfan i berfformio am y tro cyntaf. Gyda thîm cynhyrchu a chreadigol, a chriw cefn llwyfan, roedd y cyfleoedd i gymryd rhan yn y cynhyrchiad yn amrywiol thu hwnt!

Roedd hi’n braf hefyd cael llais pobl ifanc Cwmni Theatr yn ganolbwynt wrth ail-edrych a datblygu seremonïau Eisteddfod yr Urdd. Wrth i nhw rannu eu syniadau ac wrth i ni wrando ar eu barn, cawsom seremonïau unigryw, cyffrous a chyfoes ar gyfer Eisteddfod yr Urdd Sir Gaerfyrddin ac Eisteddfodau’r dyfodol.

Mae’r Cwmni hefyd wedi bod yn cynnal sesiynau sgiliau mewn gwahanol ardaloedd o Gymru, oedd yn rhoi cyfle i bobl ifanc arbrofi gyda gwahanol agweddau o theatr yng nghwmni unigolion profiadol yn y Maes. Rydym yn gobeithio cynnal sesiynau tebyg eto yn fuan!

Yn dilyn blwyddyn llwyddiannus ers ail-lansio, mae Cwmni Theatr yr Urdd yn edrych ymlaen am y flwyddyn nesaf, a’n gyffrous i gael parhau i gynnig profiadau gwerthfawr ac amrywiol i’w aelodau. Os hoffet ti fod yn rhan o’r Cwmni neu os oes gen ti ddiddordeb i glywed mwy, llenwa’r ffurflen ddiddordeb ar y dudalen yma!