Hafan > Eisteddfod a'r Celfyddydau  > Cystadlu  > Sut i Gystadlu

1. Ymaelodi

Creu cyfri o fewn Y Porth

Y cam cyntaf yw creu cyfri a phroffil o fewn Y Porth, sef ein system ar lein. Ar ôl creu cyfri, bydd modd i ti fwrw ati gydag aelodaeth yr Urdd, a gellir ddychwelyd i’r Porth ar unrhyw adeg i wirio neu newid manylion.

Unwaith fyddi di wedi creu dy gyfri o fewn Y Porth, gelli ymaelodi dy hun gyda’r Urdd (os yn 16+ oed), neu ychwanegu plentyn / plant dy deulu i’w ymaelodi gyda’r Urdd.

Ar ôl ychwanegu a thalu byddi di / dy blant yn aelodau o’r Urdd ar gyfer eleni, a chei e-bost i gadarnhau hynny. Gellir dychwelyd i’r Porth ar unrhyw adeg i wirio manylion.

Ymaelodi gyda’r Urdd

Unwaith fyddi di wedi creu dy gyfri o fewn Y Porth, gelli ymaelodi dy hun gyda’r Urdd (os yn 16+ oed), neu ychwanegu plentyn / plant dy deulu i’w ymaelodi gyda’r Urdd.

Ar ôl ychwanegu a thalu byddi di / dy blant yn aelodau o’r Urdd ar gyfer eleni, a chei e-bost i gadarnhau hynny. Gellir dychwelyd i’r Porth ar unrhyw adeg i wirio manylion.

Creu cyfri ar Y Porth

2. Rhestr Testunau

Mae’r Rhestr Testunau yn cynnwys holl gystadlaethau’r Eisteddfod, boed yn perfformio ar lwyfan, Gwaith Cartref, CogUrdd neu Gelf, Dylunio a Thechnoleg. Mae’r Rhestr Testunau yn nodi beth yw darn gosod / thema pob cystadleuaeth, gan gynnwys ble gellir archebu neu eu derbyn.

Gweld y Rhestr Testunau

3. Dyddiadau Pwysig

Mae'n bwysig dy fod yn ymwybodol o'r dyddiadau cau yma, fel nad wyt ti'n colli unrhyw beth pwysig!

4. Cofrestru ar lein drwy'r Porth

Gellir cofrestru ar gyfer yr holl gystadlaethau drwy dy gyfrif Porth. Mae modd i ti gofrestru cystadlaethau unigol dy hun neu fel rhiant, ond bydd angen i’r ysgol/cangen cofrestru cystadlaethau torfol (grwpiau).

Gwna'n siŵr dy fod yn cofrestru ar gyfer y gystadleuaeth gywir, a dy fod wedi cwblhau’r broses ymaelodi o flaen llaw. Sicrha fod darnau hunanddewisiad wedi ei uwch lwytho, gan gynnwys caniatâd hawlfraint ar gyfer y darnau yma.

 

Y Porth

5. Rowndiau Cystadlu

Rownd 1: Eisteddfod Cylch (lleol)

⬇️

Rownd 2: Eisteddfod Rhanbarth (Sir)

⬇️

Rownd 3: Eisteddfod Genedlaethol Yr Urdd

 

6. Eisteddfod Cylch

 

 

  • Bydd dyddiadau‘r Eisteddfod Cylch ar gael drwy holi’r Ysgol/Cangen, ar gyfryngau cymdeithasol neu drwy gysylltu gyda dy Swyddog Cymunedol.   
  • Bydd rhagbrofion ar gyfer cystadlaethau unigol gan amlaf (os na nodir yn wahanol gan y Swyddog Cymunedol)
  • Beth yw Rhagbrofion? Dyma rownd gyntaf o gystadlu os fydd nifer y cystadlu yn uchel. Bydd 3 yn cael eu dewis i berfformio eto ar lwyfan yr Eisteddfod Cylch. NID canlyniad y gystadleuaeth yw hwn!
  • Mae'r 3 enw yma yn cael ei gyhoeddi a’i arddangos mewn ardal penodedig yn dilyn y rhagbrawf, cyn ail berfformio ar lwyfan yr Eisteddfod Cylch.
  • Yn ddibynnol ar eich rhanbarth, bydd y 1af, ac efallai 2il a 3ydd, yn mynd ymlaen i gynrychlioi'r Cylch yn yr Eisteddfod Rhanbarth.
  • Rhoddir tystysgrif ‘Da iawn ti’ i bawb fydd yn cystadlu yn unigol, fydd yn cynnwys sylwadau byr am y perfformiad. Bydd y 3 uchaf yn derbyn Tystysgrif a beirniadaeth lawn.

                                                

7. Eisteddfod Rhanbarth

 

 

  • Bydd dyddiadau'r Eisteddfod Rhanbarth ar gael drwy holi’r Ysgol/Cangen, ar gyfryngau cymdeithasol, neu drwy gysylltu gyda dy Swyddog Cymunedol.

  • Mae ambell i Ranbarth yn cynnal Rhagbrofion, felly yn dilyn yr un broses a’r Eisteddfod Cylch.
  • Mae’r enillydd o bob gystadleuaeth yn cael eu gwahodd i’r Eisteddfod Genedlaethol yr Urdd.
  • Bydd y 3 uchaf yn derbyn Tystysgrif a beirniadaeth lawn.

                                                

8. Eisteddfod Genedlaethol yr Urdd

 

  • Mae’r Eisteddfod Genedlaethol yn teithio o amgylch Cymru, gan ymweld ag ardal newydd yn flynyddol. Bydd Eisteddfod yr Urdd Ynys Môn yn cael ei chynnal yng Nghae Sioe Môn rhwng Dydd Sadwrn, Mai 23 - Dydd Gwener, Mai 29, 2026.
  • Os yn fuddugol yn yr Eisteddfod Rhanbarth, fe gei wahoddad i gystadlu ar lefel Genedlaethol, ar un o brif lwyfannau’r Ŵyl ar faes yr Eisteddfod.
  • Mae amserlen penodol yn cael ei greu ac ar gael ychydig wythnosau cyn yr Eisteddfod, ar ein gwefan, yn nodi dyddiad, amser a lleoliad y gystadleuaeth.
  • Yn dilyn y gystadleuaeth bydd y canlyniad yn cael ei gyhoeddi ar lwyfan y Cyfrwy (llwyfan canlyniadau), lle derbynnir y 3 cyntaf eu tystysgrifau a medalau.
  • Mae beirniadaeth lawn ar gael ar gyfer pob cystadleuydd o Swyddfa’r Eisteddfod, sydd ar y Maes, yn dilyn y canlyniad.