Chwe gwobr i gystadleuwyr sy’n serennu ar lwyfan Eisteddfod yr Urdd eleni, gyda chefnogaeth rhai o dalentau mwyaf Cymru.

Mae enwau’r gwobrau newydd fel a ganlyn:

• Gwobr Syr Bryn Terfel (lleisiol)
• Gwobr Amy Dowden (dawns)
• Gwobr Callum Scott Howells (sioe gerdd)
• Gwobr Matthew Rhys (theatr)
• Gwobr Rakhi Singh (offerynnol)
• Gwobr Sarah Hemsley-Cole (cefn llwyfan)

Bydd pob enillydd yn derbyn sesiynau mentora, cefnogaeth ariannol tuag at hyfforddiant pellach ynghyd â chyfle i arddangos eu talent i gynulleidfa fyd-eang mewn digwyddiadau mawreddog yn ystod y flwyddyn.

Cynhelir Eisteddfod yr Urdd Ynys Môn, 2026 yng Nghae Sioe Môn rhwng 23 - 29 o Fai, ac mae angen i gystadleuwyr 19-25 oed gofrestru i gystadlu erbyn 2 o Fawrth 2026. Bydd tîm o feirniaid sy’n cynrychioli’r Urdd a CBCDC yn bresennol yn yr ŵyl i benderfynu ar y chwech buddugol, a’r enwau’n cael eu cyhoeddi’n fyw ar S4C ar ddiwrnod olaf y cystadlu.

Cystadlaethau sy’n gymwys –

Gwobr Bryn Terfel

• Unawd 19–25 oed
• Cyflwyno Alaw Werin Unigol 19–25 oed
• Unawd Cerdd Dant 19–25 oed

Gwobr Amy Dowdon

• Dawns Stepio Mewn Arddull Draddodiadol Merched Bl.10 ac o dan 25 oed
• Dawns Stepio Mewn Arddull Draddodiadol Bechgyn Bl.10 a dan 25 oed
• Dawns unigol 19-25 oed mewn unrhyw arddull ac eithrio Dawnsio Gwerin

Gwobr Matthew Rhys

• Llefaru Unigol 19–25 oed – Gwobr Matthew Rhys
• Monolog 19-25 oed – Gwobr Matthew Rhys

Gwobr Rakhi Singh

• Unawd Offerynnol 19–25 oed

Gwobr Callum Scott-Howells

• Perfformiad o Gân Sioe Gerdd 19-25 oed

Gwobr Sarah Hemsley-Cole

• Portffolio Cefn Llwyfan 19-25 oed