Mae Faye Brightman yn dod o Aberteifi yng Ngorllewin Cymru, ac mae hi newydd gwblhau ei chymhwyster Gwaith Ieuenctid Lefel 3. Mae Faye yn cynnig mannau diogel i bobl ifanc o fewn y gymuned LHDTC+ yng Ngheredigion a Gogledd Sir Benfro.   
 
Pa ysgol wnaethoch chi fynychu? 

Cefais fy addysgu gartref tan dy fod yn 15 oed, pan ddechreuais yn y Coleg. Fe wnes i gwblhau cwrs Mynediad Galwedigaethol (a elwid gynt yn Sgiliau Byw'n Annibynnol)  yng Ngholeg Ceredigion yn Aberystwyth, a gymerodd fi o fod yn Lefel Mynediad 1 Saesneg a Mathemateg,  i Lefel 1. 

 
Pam wnaethoch chi benderfynu cwblhau prentisiaeth Gwaith Ieuenctid gyda'r Urdd?  

Cofrestrais ar y cynllun yn wreiddiol fel rhan o’r swydd yr oeddwn yn ei wneud at y pryd, ac ar ôl gadael y swydd honno, mi benderfynais barhau i ddatblygu fy sgiliau gweithio gyda phobl ifanc,  fel y gallwn ddod yn weithiwr ieuenctid mwy effeithiol. 
 
Beth ydych chi'n ei fwynhau fwyaf am eich swydd, a sut mae'r brentisiaeth yn effeithio ar eich swydd? 

Rwy'n mwynhau gwneud gwahaniaeth i fywydau pobl ifanc, a gweld y gwahaniaeth hwnnw, yn ogystal â gwneud eraill yn hapus. Mae'r brentisiaeth hon wedi fy ngwneud yn well yn fy swydd, ac i ddod yn fwy cymwys wrth gefnogi'r bobl ifanc rwy'n gweithio gyda nhw. 
 
Sut mae gwneud y brentisiaeth wedi datblygu eich sgiliau Cymraeg? 

Mae fy nhiwtor wedi helpu i ddatblygu fy sgiliau Cymraeg drwy ddechrau pob un o’n                        cyfarfodydd yn y Gymraeg, a'm hannog i ddefnyddio geiriau ac ymadroddion Cymraeg syml yn ystod  fy ngwaith gyda phobl ifanc. Mae hyn hefyd wedi helpu i wella fy hyder. Diolch yn fawr Nia! 
 
Beth yw eich diddordebau y tu allan i'r gweithle?  

Rwy'n mwynhau canu, dawnsio ac actio! Mae gen i gefndir mewn drama, ac rwy'n gweld ei fod yn ffordd wych o ymlacio a chael gwared â straen, a hefyd i wella fy hwyliau! 
 
Ym mha ffordd mae cwblhau prentisiaeth yn effeithio ar eich datblygiad personol?  

Mae wedi helpu i mi edrych ar bethau mewn ffyrdd gwahanol, ac i herio fy hun pan fyddaf yn dal fy hun yn ôl. 

Beth ydych chi'n gobeithio ei wneud ar ôl cwblhau eich prentisiaeth?  

Rwy'n gobeithio parhau i gefnogi pobl ifanc, ac i barhau efo dysgu a datblygu fy ymarfer gwaith ieuenctid. 
 
Disgrifiwch eich cyfrifoldebau. 

Rwy'n cydlynu Glow Byd Bach, man diogel LHDTC+, sy'n ysbrydoli ac yn helpu pobl sydd wedi'u lleoli yng Ngorllewin Cymru.  

Disgrifiwch eich profiad o gwblhau'r brentisiaeth gyda'r Urdd mewn 3 gair!  

Cyffrous, buddiol, gwych!