Croeso i Wersyll Haf Antur Natur!

Ym mhrydferthwch Gogledd Sir Benfro daw antur a byd natur at ei gilydd mewn profiad haf unigryw a ddyluniwyd ar gyfer plant 11-14 oed! Wedi’i swatio yn un o dirweddau mwyaf prydferth ac amrywiol y DU, mae’r gwersyll hwn yn gwahodd pobl ifanc i ymgolli yn y byd naturiol wrth ddysgu sgiliau awyr agored gwerthfawr.

Drwy gydol yr wythnos, bydd gwersyllwyr yn ymgymryd ar anturiaethau gwefreiddiol, gan gynnwys arfordiro lle byddant yn archwilio’r amgylchedd morol gan hefyd mwynhau’r cyffro o neidio mewn i’r dyfroedd. Byddant hefyd yn rhoi cynnig ar fforio gan ddarganfod planhigion bwytadwy gwyllt, a phrofi eu greddfau goroesi gyda sgiliau gwylltgrefft a goroesi hanfodol. 

Mae’r antur yn parhau gyda theithiau natur drwy dirweddau ysblennydd, lle mae pob tro yn cynnig cynefinoedd newydd a thrysorau cudd hynafol. Bydd sesiwn Natur Biofflworoleuol yn datgelu rhyfeddodau disglair y byd naturiol ar ôl iddi dywyllu a'n sesiwn serydda yn syfrdanu gyda storiâu’r sêr a phlanedau.

I'r rhai sy'n caru anifeiliaid, mae Taith Cwch Dolffiniaid a Morloi yn gyfle i weld y creaduriaid anhygoel hyn yn eu cynefin naturiol

Mae pob gweithgaredd yng Ngwersyll Antur Natur wedi'i gynllunio i herio gwersyllwyr, adeiladu eu hyder, a dyfnhau eu cysylltiad â'r amgylchedd. Gyda hyfforddwyr arbenigol, swyddogion gwersyll cefnogol, a digonedd o hwyl awyr agored, mae'r gwersyll hwn yn ffordd berffaith i anturwyr ifanc archwilio'r gwyllt, gwneud ffrindiau newydd, a chreu atgofion a fydd yn para am oes. 

Dyddiadau

10 - 13 Awst 2026 (4 noson)

Oedran

Mae hwn yn wersyll haf sy'n addas ar gyfer blynyddoedd ysgol 7-9 / plant 11- 14 oed.

Pris

£290 ar gyfer aelodau'r Urdd. Os nad ydych yn aelod eto, gallwch ymaelodi ar-lein yma.

Cynllun talu rhandaliadau ar gael.

Gellir trefnu cludiant bws am bris ychwanegol - mi fydd manylion yn dilyn ar ôl archebu.

Llety

Ystafell wely “en-suite” sydd yn cysgu hyd at chwech neu wyth.

Cyfleusterau

Mae cyfleusterau te a choffi ar gael drwy gydol y dydd, gyda lolfa bwrpasol er mwyn ymlacio gyda’r nos. Mae cysylltiad i’r wi-fi ar gael ar draws y safle. 

Bwyd

Bydd brecwast, cinio, te a swper ar gael gan gynnig dewisiadau iachus a phrydau bwyd maethlon. Defnyddir cyflenwyr a chynnyrch lleol lle mae hynny’n bosib. Gallwn ddarparu ar gyfer anghenion dietegol, alergeddau, cefndir diwylliannol a chredoau crefyddol.

 

Amserlen Enghreifftiol Gwersyll Antur Natur a Môr 

Dydd Llun

13:00 Cyrraedd, Croeso a Chinio

14:00 Sesiwn Ymgyfarwyddo ac Adeiladu Tîm

16:00 Egwyl a The

16:30 Gwylltgrefft

18:00 Swper

19:00 Taith Machlud haul i’r gromlech

21:00 Sesiwn Natur Biofflworoleuol

22:00 Gwely

 

Dydd Mawrth

8:00 Brecwast

9:00 Sesiwn Natur Cynefin Coedwig: Coedwig Hynafol Ty Canol

12:30 Cinio

13:30 Sesiwn Natur yr Afon: Canolfan Bywd Gwyllt Cilgerran

15:00  Taith Cwch Dolffiniaid a Morloi

16:30 Gemau Traeth     

18:00 Dychwelyd i'r Gwersyll

19:00 Swper

20:00 Chwedlau o amgylch y tan

21:00 Gwely

 

Dydd Mercher

8:00 Brecwast

9:00 Ymadael y Gwersyll

10:00 Sesiwn Natur yr Arfordir

12:00 Cinio Pecyn

13:00 Sesiwn Arfordiro yn Abereiddy

17:00 Gadael am y Gwersyll

18:30 Swper

19:30 Noson Ffilm a gemau bwrdd

23:00 (opsiynol) Sesiwn Serydda a gwylio Ser Wib Perseids

Dydd Iau

8:30 Brecwast

9:30 Pacio

10:00 Sesiwn Actifiaeth Creadigol

11:00 Ffarwelio ac Ymadael