Dewch i aros gyda ni i gefnogi ein gwaith!

Dyma gyfle i fwynhau popeth sydd gan Pentre Ifan i’w gynnig, yn ogystal a chyfrannu at waith yr Urdd o ddarparu cyfleoedd gwych a phwysig i blant a phobl ifanc Cymru.

 Crwydrwch ar hyd lwybr Parc Cenedlaethol Arfordir Penfro gan edrych am fywyd gwyllt y môr neu cerddwch Ffordd Euraidd y Preseli gan fwynhau'r golygfeydd godidog. Ar stepen drws y gwersyll gallwch fynd am dro trwy Goedwig Tŷ Canol a Phentre Ifan. Ar ddiwedd y dydd, mwynhewch sesiwn syllu ar y sêr o amgylch tân y gwersyll gyda phaned blasus o siocled poeth.

Mae amryw o atyniadau yn yr ardal y gallwch ymweld a nhw, gan gynnwys Pentref Oes Haearn Castell Henllys, Fferm Ceffylau Gwedd Dyfed, Canolfan Bywyd Gwyllt Cilgerran, Llyn Llys-y-frân a llawer mwy!

Rydym wedi lleoli’n berffaith rhwng trefi poblogaidd Trefdraeth ac Aberteifi lle mae bwytai blasus, thafarndai clyd a digon o siopau!

Mae ystafelloedd ensuite Cwt Carningli yn cysgu 7 i 9 person yr ystafell, gyda phrisiau yn dechrau o £120 yr ystafell y noson. Neu os oes grŵp ohonoch chi eisiau aros, gallwch chi logi’r safle cyfan! Rydym hefyd yn cynnig brecwast cyfandirol am £5.50 y pen.

Felly beth amdani? Archebwch eich dihangfa heddiw trwy anfon e-bost at pentreifan@urdd.org

Penwythnosau Thema'r Bradwyr

Hyd at 25 o chwaraewyr (lleiafswm o 12 person)

Ymunwch â ni am benwythnos o gynllwyn, twyll, heriau ac wrth gwrs… llofruddiaeth.

Mae'r pecyn hwn yn cynnwys eich llety, bwyd, cyflwynydd gêm a'ch heriau! Bydd eich heriau yn cael eu rhedeg gan Adventure Beyond, sydd wedi datblygu rhai o'r sialensiau a welir ar deledu!

Wrth gyrraedd nos Wener bydd gennych gyfle byr i ddadbacio cyn cwrdd â'ch cyflwynydd wrth y bwrdd cylch cyntaf yn ein neuadd Duduraidd 600 oed. Yma, fe gewch wybod a fyddwch yn chwarae fel un ffyddlon neu fel bradwr. Yna, bydd y gêm yn dechrau...

Cost- £270 y person am lety, bwyd, cyflwynydd a 2x heriau (1 her ddŵr a 1 her tir)

Cost- £320 y person am lety, bwyd, cyflwynydd a 3x heriau (1 her ddŵr a 2 her tir)

Ebostiwch pentreifan@urdd.org neu ffoniwch 01239 820 317