Cefndir a phwrpas Bwrdd Busnes yr Urdd

Mae rheolaeth ariannol gref yn hanfodol i elusennau ac mae rôl y Bwrdd Busnes yn goruchwylio’r materion ariannol yn chwarae rhan allweddol yn strwythur llywodraethiant yr Urdd. Mae diogelu sefyllfa ariannol yr elusen, goruchwylio’r defnydd o adnoddau ariannol a phenderfyniadau buddsoddi’r elusen yn hanfodol er mwyn sicrhau bod gan yr elusen yr adnoddau i gyflawni ei hamcanion wrth barhau i ddiogelu fod gweithgareddau’r elusen yn gynaliadwy ar gyfer y dyfodol.

Cyfrifoldebau'r Bwrdd Busnes

• Adolygu cyfrifon rheoli chwarterol a chyllidebau adrannol blynyddol
• Adolygu y cyfrifon statudol blynyddol i rhoi sicrwydd i'r Pwyllgor Archwilio a Risg bod y wybodaeth ariannol yn gyson gyda’r cyfrifon rheoli
• Goruchwylio portffolio eiddo'r Urdd
• Cymeradwyo a monitro prosiectau cyfalaf
• Monitro perfformiad buddsoddi ac argymell newidiadau
• Cymeradwyo ceisiadau gwariant busnes o gronfeydd wrth gefn
• Adolygu a goruchwylio polisïau ariannol yr Urdd

Gwennan Oakes

Cadeirydd y Bwrdd Busnes

Mae gan Gwennan dros ugain mlynedd o brofiad mewn cyllid ar draws sectorau amrywiol, gan gynnwys gwaith helaeth fel arweinydd mewn rheolaeth ariannol ac fel pennaeth risg. Trwy ei gyrfa mae wedi cefnogi sefydliadau i gryfhau eu llywodraethu, eu prosesau risg, a’u gallu i wneud penderfyniadau ariannol cadarn. Fel Cadeirydd y Bwrdd Busnes, mae Gwennan yn ymrwymedig i gefnogi strategaeth ariannol a chynaliadwyedd hirdymor yr Urdd, gan helpu i sicrhau bod pobl ifanc ledled Cymru yn parhau i elwa ar y cyfleoedd y mae’r sefydliad yn eu cynnig.