Gwyliau 3 diwrnod llawn gweithgareddau ar gyfer anturiaethwyr bach!
Mae'r Gwersyll ger y lli yn enwog am gynnig profiadau bythgofiadwy i blant Cymru. Gyda'r Gwersyll Haf cyntaf un yng Ngwersyll Llangrannog yn 1932, mae'r gwersyll wedi bod yn croesawi plant dros yr haf ers 90 o flynyddoedd.
Gyda dros 20 o weithgareddau ar gael, sy'n amrywio o sgïo i farchogaeth, a dringo, cewch wyliau'n llawn o anturiaethau yma yng Ngwersyll Llangrannog. Porwch drwy'r holl weithgareddau sydd ar gael yma.
Mae’r pris yn cynnwys gwyliau llawn gweithgareddau, pedwar pryd bwyd y dydd ac ystafelloedd en suite.
Gellir trefnu cludiant bws am bris ychwanegol - mi fydd manylion yn dilyn ar ôl archebu.
Ar gyfer pwy?
Mae hwn yn wersyll haf sy'n addas ar gyfer oedrannau 8-12, neu blynyddoedd ysgol 4-7.
Dyddiadau
27 - 29 Gorffennaf 2026
Pa mor hir mae'n para?
3 diwrnod, 2 noson
Pris
£165 ar gyfer aelodau'r Urdd. Os nad ydych yn aelod eto, gallwch ymaelodi ar-lein yma.
Cynllun talu rhandaliadau ar gael.
Llety
Ystafelloedd en suite yn cysgu rhwng 4 i 6 o blant.
Cyfleusterau
Llety o safon uchel gydag ystafelloedd staff gerllaw a lolfeydd i gael ymlacio gyda noson ffilm gyda’r nos.
Bwyd
Mae’r holl fwyd yn cael ei baratoi gan gogyddion y gwersyll â'r pwyslais ar baratoi bwyd iachus. Defnyddir cynnyrch lleol a Chymreig lle bynnag y bo hynny’n bosibl a defnyddir cyflenwyr dibynadwy sydd yn darparu cynnyrch o'r ansawdd uchaf.
Enghraifft o ddiwrnod
| Amserlen | Gweithgaredd |
|---|---|
| Brecwast | Brecwast i bawb - bacwn, ffa pob, tôst, jam a mwy - eich dewis chi |
| Bore | Bore o hedfan i lawr y wifren wib a gwibio i fyny'r wâl abseil a'r wal ddringo |
| Cinio | Cyfle i adennill egni ar gyfer gweithgareddau'r prynhawn! |
| Prynhawn | Prynhawn ar gefn y beiciau modur, trampolin, a'r ceffylau |
| Te | Amser i ymlacio, sgwrsio a bwyta |
| Ar ôl te | Ychydig o nofio |
| Swper | Cinio rhost neu bolognese i'r anturiaethwyr llwglyd ar ôl diwrnod prysur |
| Ar ôl swper | Cerdded i lawr i lan y môr Llangrannog am noson braf o hufen iâ a gemau ar y traeth |
*Enghraifft yw'r amserlen hon. Caiff y rhaglen derfynol ei chynllunio yn nes at yr amser.