Gwyliwch Neges Heddwch ac Ewyllys Da 2023: Galw. Nhw. Allan.
Neges Heddwch ac Ewyllys Da 2023: Gwrth-hiliaeth
Roedd Neges Heddwch ac Ewyllys Da 2023 yr Urdd yn ffocysu ar wrth-hiliaeth. Mae’n datgan nad oes lle i hiliaeth yn y byd, ac os ydym yn ei weld, rhaid Galw Nhw Allan.
Crëwyd y neges gan fyfyrwyr Prifysgol Caerdydd gyda'r cerddor Eädyth a Swyddog Cynnwys Addysg S4C, Natalie Jones. Mae'n alwad gan ieuenctid Cymru i weithredu’n uniongyrchol i:
- Datgymalu camwahaniaethu systemig
- Herio rhagfarnau diarwybod
- Galw allan hiliaeth pan welwn ni hi bob amser.
Ar y 18fed o Fai 2023, cafodd y neges ei rannu ar draws y cyfryngau cymdeithasol, o bobl ifanc Cymru i weddill y byd.
Gweithdy Coleg y Cymoedd
Er mwyn cefnogi gwaith neges 2023, cynhaliodd yr Urdd weithdy gwrth-hiliaeth ar gampws Nantgarw Coleg y Cymoedd ar y 18fed o Fai.
Arweiniwyd y gweithdy gan Natalie Jones, Swyddog Addysg S4C a chynrychiolydd Race Council Cymru.
Yn ystod y gweithdy rhannwyd Neges Heddwch ac Ewyllys Da 2023 gyda’r myfyrwyr, gan ddilyn gyda trafodaeth am fod yn wrth-hiliaeth, yn ogystal â sut i fagu hyder i alw allan hiliaeth a rhagfarn.
Diolch i Natalie a’r myfyrwyr am y cyfraniadau a’r trafodaethau pwysig yn ystod y gweithdy.
Pecyn Addysg Gwrth-hiliaeth
Pob blwyddyn mae Neges Heddwch ac Ewyllys Da’r Urdd yn rhoi llais i blant a phobl ifanc Cymru i dynnu sylw’r byd at bwnc perthnasol a phwysig.
Fel rhan o’r neges, mae’r Urdd yn darparu pecyn addysg ar thema gwrth-hiliaeth. Mae’n gyfle arbennig i ddarparu a chefnogi addysg i blant a phobl ifanc ar bwnc hollbwysig a chyfoes.
Yn 2023, roedd yr Urdd wedi cyd-weithio gyda S4C er mwyn creu’r pecyn addysg.
Ewch isod i lawrlwytho'r pecyn.
Pecyn Addysg_Education Pack - Neges Heddwch_7.7.23.pdf
Ewch yma i lawrlwytho Pecyn Addysg Gwrth-Hiliaeth Neges Heddwch 2023.
Lawrlwytho »Gweithdy Creu Neges Heddwch ac Ewyllys Da 2023
Ym mis Ionawr 2023 cafwyd gweithdy yng Ngwersyll yr Urdd Caerdydd er mwyn creu’r neges.
Cydweithiodd grŵp o fyfyrwyr o Brifysgol Caerdydd i greu’r neges, gyda chymorth y cerddor Eädyth, Swyddog Cynnwys Addysg S4C, Natalie Jones, a Sunil Patel o No Boundaries.
Cafwyd trafodaethau pwysig iawn yn ystod y dydd, ac o fewn ychydig o oriau roedd geiriau pwerus y neges wedi dechrau ffurfio.
Diolch i bawb a gymerodd rhan yn y dydd a helpu i greu neges bwerus ar y thema o wrth-hiliaeth ar gyfer Neges Heddwch ac Ewyllys Da 2023.
Y Neges:
Diolch i
