Hanes
Diolch i gefnogaeth ariannol gan Cymru a’r Byd ac arian a godwyd yn lleol yn Awstralia, daeth cyfle arbennig i un prentis ac un o aelodau staff ifanc yr Urdd i ymweld â Sydney i gynnal gweithgareddau cyfrwng Cymraeg i blant ifanc yr ardal.
Ionawr 2020
Ym mis Ionawr 2020, aeth un o brentisiaid yr Urdd, Jack Perkins a Swyddog Ieuenctid yr Urdd, Lewys Wyn Jones i Sydney i gynnal gweithgareddau cyfrwng Cymraeg yn Ysgol Haf Gymraeg Sydney.
![Jack a Lewys wrth bont Sydney](/files/2616/0320/8690/EOLos_FXUAA2up7.jpg)
Dyma’r tro cyntaf i’r Urdd wneud rhywbeth o’r fath, ac roeddem yn falch iawn o allu cynnig cyfle mor fythgofiadwy i'n staff ifanc gan roi rhywbeth yn ôl i'r gymuned Gymraeg a phlant Cymraeg Sydney ar yr un pryd.
"Roedd o wir yn brofiad bythgofiadwy. Roedd y caban yn edrych dros Bont Harbwr Sydney ac roedd y plant yn arbennig o dda. Dw i’n sicr bydd y plant yn ogystal â ni yn cofio’r profiad am flynyddoedd i ddod. Yn sicr credaf fod eu hymdeimlad o fod siaradwr Cymraeg a’u balchder yn yr iaith wedi ffynnu. Mae hi’n bwysig fod y plant yn dysgu am eu diwylliant a’u treftadaeth er mwyn agor eu llygaid i weddill y byd."
Lewys
![Rhai o blant Grŵp Chwarae Cymraeg Sydney yn mwynhau gweithgareddau cyfrwng Cymraeg gyda Lewys a Jack](/files/5916/0320/8814/7a1c2843-70fe-49cd-bad1-86a90a695dd8.jpeg)
"Mae hi’n bwysig fod yr Urdd yn cael lledaenu eu neges tu hwnt i Gymru. Mae’r egwyddorion o degwch, dwyieithrwydd a chyfleoedd i bobl ifanc yn egwyddor draws genedlaethol ac yn rhywbeth dylai pawb fabwysiadu. Mae’r Urdd yn rhoi cyfle i bobl ifanc Cymru weld y byd, ac o ganlyniad yn agor eu llygaid i bethau bydol tu hwnt i Gymru."
Lewys
"Mae’n hynod o bwysig i’r Urdd ledaenu’r neges a chael presenoldeb y tu hwnt i Gymru! Mae Urdd yn rhoi'r cyfle i’r genhedlaeth nesaf sy’n wych!"
Jack
Galeri'r daith
![IMG_7980.jpeg](/files/cache/a5afb32a71d4f4d73c7f73b0fcd9fff2_f9568.jpeg)
![aee8d37e-b6d6-4aee-b395-d615fcd83cba.jpeg](/files/cache/7cd62f8a764b4f7494a6917b00361031_f9569.jpeg)
![2c931f5f-544d-48d4-81ac-16c7c2258860.jpeg](/files/cache/888588c9626d0638b8446bbba0cc6f27_f9570.jpeg)
![EOzXUctVUAAEmm4.jpg](/files/cache/a28946478cfd66edf3b5691f08d91458_f9571.jpg)
![8bf2a76c-3eee-4175-92dc-a4b4363c348a.jpeg](/files/cache/68e5e9668b72bbb671a80252639b9817_f9572.jpeg)
![808dcae2-7533-4c13-a207-9b352e48961d.jpeg](/files/cache/259daae343f3c70b604e0d3cc134fa87_f9573.jpeg)
![fd8ed36f-6a59-4161-b0fc-8395b791e0b3.jpeg](/files/cache/1970a41e74bfa8f0f7a615f8559eaf05_f9574.jpeg)
![IMG_7982.jpeg](/files/cache/caec2ba85070f22ff73ecc42cfc99f3a_f9576.jpeg)
![a94b89da-ced1-40fe-8b64-ac5fb6cd30b0.jpeg](/files/cache/27b1977928b7ba75866becc592899ed8_f9577.jpeg)
![7578987f-a9aa-4726-a837-98cdc367b4c4.jpeg](/files/cache/3140a9a705bc2218acdd77c1e6c8b94b_f9575.jpeg)