Hanes
Ym mis Hydref 2019 bu’r Urdd yn rhan o daith fasnach a diwylliant Llywodraeth Cymru i Japan i gynrychioli ieuenctid Cymru a sefydlu cysylltiad a chyfleoedd gwerthfawr i bobl ifanc y ddwy wlad.
Cafwyd llu o sgyrsiau adeiladol gydag arweinwyr ac uwch swyddogion yno i drafod cydweithio rhwng y ddwy wlad i gynnig cyfleoedd diwylliannol, celfyddydol a chwaraeon i bobl ifanc Cymru a Japan.
![Prif Weithredwr yr Urdd yn cwrdd a rhai o uwchswyddogion Rhanbarth Kitakuyshu yn Japan, mis Medi 2020](/files/6915/7243/8917/71186471_2752351538111209_7089902179946856448_n.jpg)
Galeri'r daith
![72165264_10157232293490609_592244044151652352_n.jpg](/files/cache/b88e85dd970972f70860b4e784ff409d_f9563.jpg)
![70926848_2752351688111194_2760677786707296256_n.jpg](/files/cache/a08ceaa4c8385a80ec24e2145c1425c8_f9562.jpg)
![71469777_10157232293720609_7896269495063281664_n.jpg](/files/cache/addf396911cac9e0a3efba3517b0a24e_f9560.jpg)
![72212997_2752351614777868_3701038997603090432_n.jpg](/files/cache/787aa27818af40dd7f71ab830aa4db90_f9558.jpg)
![70783287_10157232293555609_4955500796172042240_n.jpg](/files/cache/98b6bdd6bdbe0d7ef0b17e1714d34117_f9561.jpg)
Chwefror 2020
Wedi Eisteddfod yr Urdd Caerdydd a'r Fro 2019, cyhoeddodd yr Urdd gyfle rhyngwladol newydd i enillydd Ysgoloriaeth Urdd Gobaith Cymru Bryn Terfel y flwyddyn honno. Diolch i Gelfyddydau Rhyngwladol Cymru, bu trefniadau i enillydd yr ysgoloriaeth berfformio yn un o ddathliadau byd-eang Dydd Gŵyl Dewi yn Japan.
Yn anffodus, oherwydd pandemig Covid-19 bu'n rhaid gohirio perfformiad enillydd yr ysgoloriaeth, Rhydian Jenkins, at adeg pan fydd teithio yn bosibl ac yn ddiogel.
Yn Chwefror 2020 cafwyd perfformiad arbennig yng Nghanolfan Mileniwm Cymru gan Rhydian i gynrychiolwyr ac uwch swyddogion Japan.
![Perfformiad gan Rhydian Jenkins, ennilydd Ysgoloriaeth Bryn Terfel 2019 i Faer Kitakyshua wc uwchswyddogion y rhanbarth ar ymweliad a Chymru mis Chwefror 2020](/files/7616/0320/7889/IMG_8919.jpg)
![](/files/1316/0320/7944/IMG_8926.jpg)
Beth nesaf?
Yn dilyn Cwpan Rygbi’r Byd a sefydlu cysylltiad cynnes gydag ardal Kitakyushu, rydym yn gweithio i ddatblygu syniadau o gwmpas mynd a timau rygbi o Gymru i Japan a chroesawu timau ieuenctid o Japan yn ôl i Gymru.
Diolch i Gelfyddydau Rhyngwladol Cymru am y gefnogaeth i’r daith.