Yr Urdd yng Ngŵyl Cymry Gogledd America
Sefydlwyd yr Urdd bartneriaeth gyda Gŵyl Gogledd America ar ôl derbyn rhodd hael gan y diweddar Dr John M. Thomas. Mi roedd Dr Thomas yn Gymro oedd wedi ymgartrefu yn Florida, gyda'r dymuniad yn ei ewyllys i roi'r cyfle i bobl ifanc Cymru i deithio a pherfformio. Hoffai'r Urdd ddiolch i Dr Thomas a'r teulu am wneud y cyfle bythgofiadwy yma yn bosib i bobl ifanc Cymru.
Mae wythnos yr ŵyl yn dathlu diwylliant Cymreig wrth gynnal Eisteddfod, cyngherddau a detholiad o weithgareddau gwahanol. Ewch yma i ddysgu mwy ar yr ŵyl.
Gŵyl Cymry Gogledd America 2022: Philadelphia
Yn 2022 cynhaliwyd yr ŵyl yn Philadelphia rhwng 31 Awst - 4 Medi.
I gynrychioli'r Urdd yn yr ŵyl, teithwyd Siân Lewis Prif Weithredwr yr Urdd a 4 o bobl ifanc. Cafodd Siriol Elin, Manon Ogwen, Tomos Bohanna a Dafydd Jones eu dewis i gynrychioli’r Urdd draw yn Philadelphia gan banel o feirniaid yn Eisteddfod T 2021 ac Eisteddfod yr Urdd Sir Ddinbych 2022.
Cafodd y cantorion y cyfle i berfformio mewn cyngerdd yn y Perelman Theatre, yn Macy's, tu allan i'r City Hall fel rhan o'r seremoni agoriadol a flashmob yng nghanol y ddinas i ddiddanu a chyflwyno diwylliant Cymreig i bobl y ddinas. Ewch yma i weld y flashmob!
Galeri'r daith
![PHOTO-2022-09-02-05-32-46.jpg](/files/cache/ba22fb3993e32bbae36d584ec060599f_f13109.jpg)
![PHOTO-2022-09-01-21-19-16.jpg](/files/cache/34dac56a04dbf37352c6c2fd752d9ef0_f13110.jpg)
![PHOTO-2022-09-01-02-37-58.jpg](/files/cache/43152a9272966c3bf6f54ec75f7c9261_f13108.jpg)
![PHOTO-2022-08-31-16-47-10.jpg](/files/cache/19f48ae84d69148fce35106e8c712241_f13107.jpg)
![PHOTO-2022-09-01-21-19-29.jpg](/files/cache/0f3c1fad950b533d5f518ba1b6a4a5b3_f13111.jpg)
![PHOTO-2022-09-01-21-20-40.jpg](/files/cache/ffc9124ba9b8b12454bf28c9a0facacb_f13112.jpg)
![IMG-20230901-WA0023.jpg](/files/cache/10a06ba97036cf30c3fcd264e2ef0571_f15032.jpg)
Gŵyl Gogledd America 2023: Lincoln, Nebraksa
Yn dilyn llwyddiant taith llynedd i Ŵyl Cymru Gogledd America, dychwelwyd yr Urdd i’r ŵyl, gan ddod â phedair o berfformwyr newydd o Gymru i Lincoln, Nebraska.
Dewiswyd Ffion Thomas, Nansi Rhys Adams, Sophie Jones ac Eiriana Jones-Campbell ar sail eu perfformiadau yn Eisteddfod yr Urdd Sir Gaerfyrddin eleni.
Yn ystod eu cyfnod yn yr ŵyl perfformiwyd yn y Cyngerdd Nos Iau ochr yn ochr ag enillydd Cân i Gymru 2023, Dylan Morris. Cawsant hefyd gyfle arbennig i ddysgu mwy am dreftadaeth Gymreig yr ardal, wrth ymweld â'r 'Great Plains', cyfarfod a Chymry America a mwynhau nifer o ddigwyddiadau'r ŵyl.
Wedi'r ŵyl, symudwyd ymlaen i Chicago, i ddysgu mwy am hanes y ddinas a chael amser rhydd i grwydro a mwynhau.
Galeri'r Daith
![WhatsApp Image 2023-09-01 at 06.15.30.jpg](/files/cache/13c96df581726b9d13c0761348843a36_f15029.jpg)
![WhatsApp Image 2023-09-01 at 00.47.12.jpg](/files/cache/8f479ac06871b79f9fd4a0e9c039763e_f15031.jpg)
![IMG-20230904-WA0024.jpg](/files/cache/7522736e8893956c22e9bc816287b09b_f15028.jpg)
![WhatsApp Image 2023-08-31 at 22.11.301.jpg](/files/cache/81cfc0ce0f1c66b5312fd815c82c84e0_f15030.jpg)
![IMG-20230904-WA0019.jpg](/files/cache/3672d10b88e2c42329a947834894c4b0_f15026.jpg)
![IMG-20230901-WA0022.jpg](/files/cache/66078fac34c452364c2419215241418f_f15024.jpg)
![IMG-20230904-WA0007.jpg](/files/cache/939ff5429cae92ced76cc41761f8674a_f15023.jpg)